ހުވަދުއަތޮޅު އުތުރުބުރީ ކަނޑުހުޅުދޫ ކައުންސިލްގެ 4 ވަނަ ދައުރުގެ 2025 ވަނަ އަހަރުގެ 47 ވަނަ އާންމު ބައްދަލުވުމުގެ ޔައުމިއްޔާ
ނަންބަރު: 47/2025/04
ޖަލްސާ ބޭއްވިތަން: ގއ.ކަނޑުހުޅުދޫ ކައުންސިލް އިދާރާ
ޖަލްސާ ބޭއްވި ތާރީޚް: 09 ޑިސެމްބަރު 2025
ޖަލްސާ ފެށި ގަޑި: 11:00
ޖަލްސާ ނިމުނު ގަޑި: 11:30
ޖަލްސާ މެދުކަނޑާލެވުނު:
ރިޔާސަތު ބެލެހެއްޓި ފަރާތް: (ކައުންސިލް ރައީސް ތާރިޤް އަފީފް)
ނިންމި ކަންތައްތައް
އެޖެންޑާ އައިޓަމް 1
ޖަލްސާގެ އެޖެންޑާ ފާސްކުރުން
ޖަލްސާގެ އެޖެންޑާ ވަނީ ޖަލްސާގައި ބައިވެރިވި މެމްބަރުންގެ އިއްތިފާޤުން ފާސްކޮށްފައެވެ.
އެޖެންޑާ އައިޓަމް 2
ކައުންސިލްގެ 04 ވަނަ ދައުރުގެ 2025 ވަނަ އަހަރުގެ 46 ވަނަ އާންމު ޖަލްސާގެ ޔައުމިއްޔާ ފާސްކުރުން.
ކައުންސިލްގެ 04 ވަނަ ދައުރުގެ 2025 ވަނަ އަހަރުގެ 46 ވަނަ ޖަލްސާގެ ޔައުމިއްޔާ ވަނީ ޖަލްސާގައި ބައިވެރިވި މެމްބަރުންގެ އިއްތިފާޤުން ފާސްކޮށްފައެވެ.
އެޖެންޑާ އައިޓަމް 3
ވިޔަފާރި ބިން ކުއްޔަށް ދިނުމަށް 06 ނޮވެމްބަރ 2025 ގައި ކޮށްފައިވާ އިޢުލާން ބާޠިލް ކޮށްފައިވާތީ ބިޑް ރަޖިސްޓްރީ ކުރި ފަރާތްތަކަށް ރިފަންޑް ދިނުމާއި މެދު މަޝްވަރާކޮށް ގޮތެއް ނިންމުން.
ވިޔަފާރި ބިން ކުއްޔަށް ދިނުމަށް ކުރެވިފައވާ އިޢުލާނާއެކު އާއްމުކުރެވުނު ބިޑް ޑޮކިއުމަންޓް ތަކުގައި ކައުންސިލުން ނުނިންމާ ހުރި ކަންކަން ހުރިކަމަށް ފާހަގަ ކުރެވިފައިވާތީ އާއި އަދި އެ އިޢުލާނާއި އެއްގޮތަށް ބިޑް އިވެލުއޭޓް ނުކުރެވޭނެ ކަމަށް ބިޑް ކޮމެޓީން ނިންމާފައިވާތީ ، 06 ނޮވެމްބަރ 2025 ގައި ބިއްކުއްޔަށް ދިނުމަށް ކުރެވިފައިވާ އިޢުލާން ބާޠިލް ކޮށް ބިޑް ރަޖިސްޓްރީ ކުރުމަށް ފައިސާ ދެއްކި ފަރާތްތަކަށް އަނބުރާ އެފައިސާ ދިނުމަށް ހުށަހަޅާފައެވެ.
އެޖެންޑާ އައިޓަމް 4
މިނިސްޓްރީ އޮފް ސްޕޯޓްސްގެ ނަންބަރ 414-PSIP/414/2025/3 ( 04 ޑިސެންބަރ 2025) ސިޓީއާއި ބެހޭގޮތުން މަޝްވަރާކޮށް ގޮތެއް ނިންމުން.
މިނިސްޓްރީ އޮފް ސްޕޯރޓްސް 141-PSIP/414/2025/3 ( 04 ޑިސެންބަރ2025) ސިޓީގައި ބަޔާން ކޮށްފައިވާ ގޮތަށް އަލަށް ގާއިމް ކުރާ ފުޓްބޯޅަ ދަނޑު އެޅުމަށް ބޭނުންވާ ބިން މިހާރުގެ ފުޓްބޯޅަ ދަނޑުން ހަމަވާތީވެ، އެބިން ހަމަޖެއްސުމަށް ހުށަހަޅާފައެވެ.
އެޖެންޑާ އައިޓަމް 5
ގއ.ކަނޑުހުޅުދޫ ސްކޫލްގެ ނަންބަރ GS197/2025/67 ސިޓީ އާއި މެދު މަޝްވަރާކޮށް ގޮތެއް ނިންމުން
ކޯޓް އިމާރާތް ތަޅާލައި އެތަނުން ނަގާލި ޓިނާއި ލަކުޑި ތަށް ބޭނުން ކޮށްގެން ބެލެނެވެރިންގެ ހިޔާ އަކާއި ބެންޗް ތަކެއް ހެދުމަށް އެދި ކަނޑުހުޅުދޫ ސްކޫލުން ފޮނުވާފައިވާ ސިޓީގައި ، ޓިނާއި ލަކުޑި ބޭނުންވާ އަދަދަ ހިމަނާފައި ނުވާތީ، ބޭނުންވާ އަދަދުތައް ހިމަނައިގެން ސިޓީ ފޮނުވުމުން އެ އަދަދަށް އެތަކެތި ދޭން ފެންނަކަމަށް ހުށަހަޅާފައެވެ.
އެޖެންޑާ އައިޓަމް 6
ގޯލްޑަން ފުޓްސަލް ޓީމަށް އެހީވުމަށް އެދި ކަނޑުހުޅުދޫ ޒުވާނުންގެ ނަމުގައި މުޙައްމަދު އިހްސާން ފޮނުވާފައިވާ ސިޓީ އާއި މެދު މަޝްވަރާކުރުން.
ގޯލްޑަން ފުޓްސަލް މުބާރާތުގައި ބައިވެރިވާ ކަނޑުހުޅުދޫ ޓީމަށް ކުރަންޖެހޭ ޚަރަދުތައް ކުރުމަށް ކައުންސިލްގެ ބަޖެޓުން 3000ރފ ޚަރަދުކުރުމަށް ހުށަހަޅާފައެވެ.
އެޖެންޑާ އައިޓަމް 7
ބަޖެޓް ކޮންޓްރޯލް ( ފޯމް ނަންބަރ 77) އަކަށް ބަދަލު ގެނައުމާއި މެދު މަޝްވަރާކޮށް ގޮތެއް ނިންމުން.
ބަޖެޓް ކޮންޓްރޯލް ފޯމް ނަނަބަރު 2025/1466/BC/77 ގައި ކޯޑް ތަކަށް ފައިސާ ބަދަލުކުރަން ފެންނަކަމަށް ހުށަހަޅާފައެވެ.
ބައްދަލުވުމުގައި ބައިވެރިވި ފަރާތްތައް
ތާރިޤް އަފީފް
އިބްރާހިމް ހުސައިން
ފާތިމަތު ހުދާ އަބުދުލް ޤައްޔޫމް
އައްބާސާ މުޙައްމަދު