ގއ. ކަނޑުހުޅުދޫގެ ރައްޔިތުންގެ މެދުގައި ކީރިތި ޤުރުއާނަށް ލޯބި ޖައްސައި މިރޮނގުން ގިނަބަޔަކު އަހުލުވެރި ކުރުމުގެ މަޤުސަދުގައި މިކައުންސިލްއިން އިންތިޒާމުކޮށްގެން ބާއްވާ "ގއ. ކަނޑުހުޅުދޫ ކައުންސިލް ޤުރްއާން މުބާރާތް 1447" ގައި ބައިވެރިވުމުގެ ފުރުޞަތު ކަނޑުހުޅުދޫގެ ރައްޔިތުންނަށް ހުޅުވާލަމެވެ. މިމުބާރާތް ބޭއްވުމަށް ހަމަޖެހިފައިވާ ތާރީޚަކީ 07 މާރިޗު 2026 އެވެ. އެހެންކަމުން މިމުބާރާތުގައި ބައިވެރިވާން ބޭނުންވާ ފަރާތްތަކުން 29 ޖަނަވަރީ 2026 ވާ ބުރާސްފަތި ދުވަހުގެ 13:00 ގެ ކުރިން ލިންކް މެދުވެރިކޮށް ނަންނޯޓް ކުރެއްވުން އެދެމެވެ.
ލިންކް: ކައުންސިލް ޤުރުއާން މުބާރާތް (1447) ގައި ބައިވެރިވުމަށް އެދޭ ފޯމް – Fill out form
އެހެން އަހަރުތަކެކޭވެސް އެއްގޮތަށް މިމުބާރާތުން ވަނަވަނައަށް ހޮވޭ ފަރާތްތަކަށް އަގުހުރި އިނާމުތަކެއް ދިނުމަށް ކައުންސިލުން ވަނީ ނިންމާފައެވެ. އަދި 2026 ވަނަ އަހަރު ޤައުމީ ޤުރުއާން މުބާރާތަށް ދަރިވަރުން ހޮވުމަށް ބާއްވާ އަތޮޅު ޤުރުޢާން މުބާރާތަށް ދަރިވަރުން ނެގޭނީ، މި މުބާރާތުން އެންމެ މަތިން މާކްސް ލިބޭ ދަރިވަރުންނަށް ކަމުގައި ދަންނަވަމެވެ.
މި މުބާރާތުގައި ބައިވެރިވާ އުމުރުފުރާ ކަނޑައަޅާނީ 2026 އަހަރު އެ ދަރިވަރަކު ކިޔަވާ ކީ ސްޓޭޖަށެވެ. އަދި ބައިވެރިވާ ބޮޑެތި މީހުންނާއި ކުޑަކުދިންގެ އުމުރު ބަލާނީ 1 ޖަނަވަރީ 2026 އަށެވެ.
31 ޑިސެމްބަރ 2025